രവീന്ദ്രനാഥ് ടാഗോര്‍

ഞാനറിവീലാ ഭവാന്റെ മോഹന ഗാനാലാപനശൈലി
നിഭ്രുതം ഞാനതുകേള്‍പ്പൂ നിത്യം നിതാന്തവിസ്മയശാലി
ഉദയദ്ഗാന പ്രകാശകലയാലുജ്വല ശോഭം ഭുവനം
അലിയിക്കുന്നൂ ശിലകളെയിസ്വര ഗംഗാസരഭസ ഗമനം
പാടണാമെന്നുണ്ടീ രാഗത്തില്‍,പാടാന്‍ സ്വരമില്ലല്ലോ....!
പറയണമെന്നുണ്ടെന്നാലതിനൊരു പദം വരുന്നീലല്ലോ.....!
പ്രാണനുറക്കെ കേണീടുന്നു പ്രഭോ പരാജിതനിലയില്‍
നിബദ്ധനിഹ ഞാന്‍ നിന്‍ ഗാനത്തിന്‍ നിരന്തമാകിയ വലയില്‍ ......!

-ടാഗോര്‍‍, ഗീതാഞ്ജലി

എന്റെ പ്രിയപ്പെട്ട എഴുത്തുകാരനു സമര്‍പ്പിക്കുന്നു ഈ ഛായാചിത്രം.വിശ്വമഹാ കവി രവീന്ദ്രനാഥ് ടാഗോര്‍ ഇന്നു ലോകം കണ്ടിട്ടുള്ളതില് വച്ച് ഏറ്റവും മഹാന്മാരായ കവികളില്‍ ഒരാളാണു എന്നു ഞാന്‍ വിശ്വസിക്കുന്നു.റൊമാന്റിസിസവും മിസ്റ്റിസിസവും ഇടകലര്‍ന്നതാണ് അദ്ദേഹത്തിന്റെ ശൈലി.ആ മഹാന്റെ ഓര്‍മ്മക്കുമുന്നില്‍ എന്റെ പ്രണാമം.